As Torres do Allo celebran o Día das Letras Galegas cun divertido obradoiro artístico para nenos e nenas
O emblemático pazo das Torres do Allo vestirá as súas pedras de creatividade e cor para conmemorar o Día das Letras Galegas o vindeiro 17 de maio, ofrecendo un obradoiro gratuíto para nenos e nenas.
A partir das 16:00 horas, os rapaces e rapazas de 5 a 12 anos terán a oportunidade de mergullarse na riqueza da nosa cultura dun xeito lúdico e participativo. O obradoiro consistirá en plasmar nun lenzo a esencia de Galicia, formando de maneira conxunta a palabra “GALICIA”. Cada letra será unha porta de entrada a un elemento significativo da nosa identidade, desde a paisaxe ata as tradicións, pasando pola nosa lingua e o noso patrimonio.
Esta actividade é completamente gratuíta, pero as prazas son limitadas para garantir unha experiencia enriquecedora para todos os participantes. Por este motivo, é necesario inscribirse previamente, facilitando o nome e apelidos do neno/a, a súa
idade e un número de teléfono de contacto.
As inscricións poden realizarse nos seguintes puntos:
- Centro Sociocultural de Zas: 981 75 13 98
- Centro Sociocultural de Baio: 981 71 80 56
- Torres do Allo: info@torresdoallo.gal
Para máis información, non dubides en contactar coas Torres do Allo: 655 71 67 43
