Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
As Torres do Allo organizan o sábado 8 de xuño o “Día do Xogo Tradicional”, entre as 16:00 e as 19:30 horas. Na carballeira que da acceso ás Torres do Allo estarán instalados numerosos postos de xogos tradicionais para que calquera persoa ou familia poida achegarse e aprenderlles aos máis pequenxs a divertirse coma se facía en tempos.
A actividade conta coa participación da Asociación Galega do Xogo Popular e Tradicional que é a encargada de proporcionar os materiais e divulgar a mecánica de xogos coma os birlos, a buxaina, a mariola, as chapas, a roma, a chave, os zancos, as carrilanas, o tirapedras… e moitos máis.
A maxestosa avenida de entrada ao pazo máis antigo de Galicia permanecerá pechada ao tráfico, co obxectivo de proporcionar un grande espazo lúdico onde pasar a tarde en familia.