Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
A pesar de encontrarse abertas en horario máis reducido, a afluencia de visitantes a Torres do Allo non cesa, xa sexa en grupos organizados, actividades complementarias, visitas escolares, ou en visitas espontáneas. Torres do Allo continúa a ser un importante recurso cultural e turístico da Costa da Morte.
763 persoas achegáronse ao pazo do Allo para visitalo libremente ou para gozar das actividades complementarias que se celebraron durante o mes de setembro. Isto supón bater todos os rexistros coñecidos; un incremento do 60,21% respecto do mes de setembro do ano anterior e un 49,5% máis que no mesmo mes en 2015. Torres do Allo, atrae a público de tódalas procedencias e nacionalidades. Destacan sobre todo a afluencia de visitantes doutras Comunidades Autónomas ao redor do 47%, na que Madrid representa máis do 75% e a moita distancia sitúanse Cataluña, Andalucía e Castela e León. Algo máis do 27% dos visitantes veñen doutras partes de Galicia atraídos/as pola historia do pazo e a singularidade da súa arquitectura. Os visitantes da Costa da Morte suman algo máis do 20%.
Torres do Allo contou durante o mes de setembro con actividades complementarias, que foron un éxito de participación e seguimento; o concurso “ENFOQUES DO ALLO” e a súa entrega de premios, xerou que o monumento zaense tivese un impacto cultural nas redes sociais tremendamente positivo, cun alcance de 14.325 persoas.
A nova xestión do monumento, a cargo do Concello de Zas, continúa coas actividades en outubro: o xogo de pistas, visitas escolares, visitas guiadas e o ciclo de conferencias “MONOGRAFÍAS DO ALLO”, onde todos os sábados a partir do 14 de outubro ás 17h. reputados especialistas falarán de diversas temáticas e guiarán aos asistentes dunha forma ata agora nunca abordada polo tesouro etnográfico do Allo.