Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
Torres do Allo comeza o ano con boas novas. O mes de xaneiro de 2018 foi o mellor de toda a serie histórica cun aumento de máis do cincuenta por cento respecto do ano anterior. Se comparamos os datos co mesmo mes do ano 2016 vemos que este ano dobrouse o número de visitantes cun incremento do 106% nas visitas.
O Pazo do Allo, no Concello de Zas, ten numerosos atractivos para ser visitado tamén no inverno. O seu contorno excepcionalmente conservado conta cunha fauna e flora moi diversa e conforma unha paisaxe bucólica para as persoas amantes da natureza. Así o constataron as familias e parellas que nos visitaron en xaneiro, case un 80% do número total de visitantes.
En febreiro continuamos coas visitas guiadas os sábados e domingos á 13:00 e ás 17:00 para descubrir tódolos valores do pazo e a súa historia. Tamén se pode realizar en horario de apertura do Pazo, de 11:00 a 19:00, o xogo de pistas “Os segredos ocultos das Torres”, unha busca do tesouro que vos dará a coñecer as Torres do Allo dun xeito divertido e participado.