Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
A mostra, organizada polo Concello de Zas en colaboración coa Deputación da Coruña, será inaugurada o sábado 27 de marzo ás 18:00
As actividades culturais continúan no pazo máis antigo de Galicia. Nesta ocasión as Torres do Allo presenta unha exposición temporal centrada na publicación “Zas polo miúdo”.
A través dunha escolma fotográfica, recollida en sete paneis, reflíctese a riqueza patrimonial e cultural do concello a partires da detallada documentación recopilada polos autores de cada unha das dezaseis parroquias de Zas.
A Concellaría de Cultura do Concello de Zas, en colaboración coa Deputación da Coruña, organiza esta exposición. A inauguración, o sábado 27 de marzo ás 18:00, correrá a cargo do Alcalde de Zas, Manuel Muíño, que estará acompañado polos autores Evaristo Domínguez e Xosé Mª Lema xunto con Manuel García Velo ‘Lito’, que foi concelleiro de Cultura do Concello de Zas entre 2015 e 2019 e o promotor da publicación así como da sección “Zas polo miúdo” na web do concello.
A exposición poderá visitarse ata o 15 de setembro nos seguintes horarios:
Semana Santa, dende o luns 29 de marzo ata o 4 de abril, de 11:00 a 20:00;
Dende o 10 abril ata o 14 de xuño, sábados, domingos e festivos, de 11:00 a 19:00;
Dende o15 de xuño ata o 15 de setembro, de luns a venres de 11:00 a 20:00 e sábados e domingos de 11:00 a 21:00.
A entrada é libre e de balde. É obrigatorio o uso de máscara. Aforo limitado.