Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
Coa chegada do verán, as Torres do Allo amplían o seu horario de apertura para que visitantes e familias poidan gozar durante máis tempo deste emblemático pazo.
Desde agora, o Pazo das Torres do Allo abrirá todos os días de 11:00 h a 20:00 h, ampliando ademais o horario unha hora extra de apertura os sábados e domingos.
Obradoiro infantil gratuíto de San Xoán
As Torres do Allo acollerán tamén un obradoiro infantil gratuíto o venres 26 de xuño ás 16:00 h, dirixido a nenos e nenas de entre 5 e 10 anos.
Nesta actividade, os participantes elaborarán as súas propias pulseiras empregando fíos inspirados nas cores do lume e elementos que evocan as tradicionais herbas de San Xoán. A través desta proposta creativa, os máis pequenos poderán estimular a súa imaxinación e desenvolver a súa destreza manual nun ambiente lúdico, educativo e vencellado ás tradicións populares galegas.
As prazas son limitadas, polo que se recomenda realizar inscrición previa a través das seguintes vías:
- Centros Socioculturais: Zas (981 751 398).
- Correo electrónico: info@torresdoallo.gal.
Agardámosvos nas Torres do Allo para desfrutar dun verán cheo de patrimonio, cultura e actividades para toda a familia.
