Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
Tralo éxito acadado en programacións anteriores, onde superaron o millar de visitantes, este verán volven a ser unha das actividades que deseña a Concellería de Cultura do Concello de Zas para a dinamización do monumento máis relevante do Concello.
Trátase dunha actividade dirixida a tódolos públicos, pensada para desfrutar e dar a coñecer dunha forma amena, participativa, orixinal e lúdica o patrimonio.
Ao longo deste verán son numerosos os visitantes que se achegan as Torres do Allo para poder retroceder no tempo da man dos antigos propietarios do pazo, Francisca Riobóo e o naturalista Vítor López-Seoane. Así, cada domingo ás 19:30h. comézase con Francisca Riobóo recibindo aos visitantes e confundíndoos con campesiños que chegan a pagar as rendas das súas colleitas e dende ese momento estes realizan unha viaxe de cincocentos anos na que coñecer en profundidade como eran as persoas que habitaron o pazo sen deixar nunca de lado o humor e a creatividade.
Unha actividade accesible a tódolos públicos e de balde que se poderá seguir desfrutando todos os domingos de xullo e agosto ás 19:30. Non é necesaria reserva previa só tendes que… ¡Achegarvos a Zas!