Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
711 persoas visitaron o monumento no mes de marzo: un incremento do 45% respecto do 2016 e un 230% respecto de 2017.
Tamén se superaron os datos de Semana Santa de 2017 a pesar de que esta tivo lugar en abril cunha meteoroloxía favorable.
A programación especial de Semana Santa deseñada pola Concellería de Cultura do Concello de Zas conseguiu mellorar os datos de toda a serie histórica, unha noticia moi positiva para toda a comarca.
A Mostra do Traxe Tradicional da Terra de Soneira, que permanecerá aberta ata o 29 de abril, foi un dos atractivos do monumento nestas festividades. Tamén as visitas teatralizadas de Os Quinquilláns, o xogo de pistas para as familias, e as visitas guiadas contribuíron a colleitar os mellores datos de público da historia do Pazo, tanto nun mes de marzo como nunha Semana Santa.
A pesar dunha meteoroloxía moi desfavorable e de ter lugar case un mes antes que no 2017, un total de 662 persoas achegáronse ás Torres do Allo entre o 23 de marzo e o 1 de abril deste ano. Un lixeiro incremento respecto dunha Semana Santa calorosa no 2017, no que foron 628 persoas as que visitaron o pazo. Se tomamos como referencia o mes de marzo, as estatísticas dispáranse. No mesmo mes do 2016, no que tamén cadrou a Semana Santa, houbo 488 visitas; o que supón un 45% de mellora. Pero se temos en conta o mes de marzo de 2017, con 215 visitantes, o incremento foi do 230% respecto dos mesmo mes no 2018.
Se analizamos os datos de público máis polo miúdo, observamos que o gran tirón foi protagonizado polo turismo interior de Galicia, con case un 92% do total; onde practicamente a metade das persoas visitantes procedían de fóra da Costa da Morte. As familias e as parellas foron as configuracións de visita máis repetidas, supoñendo máis dun 30% cada unha. Tamén os grupos organizados representaron unha boa porcentaxe de visitantes, con case o 22% do total.
A estes datos tan positivos contribuíron tamén as visitas escolares do programa de Turismo Escolar da Deputación da Coruña, que comezou a realizar esta actividade nas Torres neste mes de abril. Esperamos non obstante que este tipo de público infantil incremente notablemente a súa presenza no Pazo do Allo nos vindeiros meses.