Sorry, this entry is only available in galego and Español. For the sake of viewer convenience, the content is shown below in this site default language. You may click one of the links to switch the site language to another available language.
Música e monicreques no Allo
O sábado 12 de xullo ás 20:00 horas as Torres do Allo terá a súa primeira actuación do verán con Os Monifates, unha actividade de música e marionetas organizada polo concello de Zas para toda a familia.
Alberto Millán Betanzos e Xosé Piñeiro Pérez conforman un dúo cunha ampla experiencia musical e de lutería. Xuntáronse no ano 2013 para deseñar un proxecto en común, Os Monifates, no que tivesen cabida parte as súas inquedanzas artísticas e tradicionais, relacionadas coa música, o baile, os monicreques e a cultura galega en xeral.
Estiveron dous anos investigando e recompilando información sobre os chamados monicreques danzantes, e despois de estudar o que se conserva desta arte e de facer múltiples probas, comezaron a construílos, adaptándoos á nosa tradición cultural e incluso creando algúns con mecanismos propios, para así tratar de recuperalos.
Foi no ano 2015 cando conseguiron darlle forma e vida a Os Monifates, e dende aquela van repartindo alegría e facendo bailar as súas marionetas ó mesmo tempo que interpretan música en directo.
A entrada á actuación é totalmente de balde.
